គន្លឹះ​ថតរូប​តាម​ដង​ផ្លូវ​ ៦ ចំណុចជួយ​អ្នក​ឲ្យថត​ឡើង​ទឹក​ដៃ

ពេល​ធ្វើ​ដំណើរ​កំសាន្ត​ភាគ​ច្រើន​សកម្មភាព និង​វត្ថុ​នានា​តាម​ដងផ្លូវ​ពិត​ជា​គួរ​ឲ្យ​ចាប់​អារម្មណ៍ ដែល​ជា​ឱកាស​ល្អ​ក្នុង​ការ​ផ្ដិត​យក​រូបភាព​ទាំង​នោះ​ជា​អនុស្សាវរីយ៍ ជា​ពិសេស​ដំណើរ​កំសាន្ត​ក្រៅ​ប្រទេស អ្នក​នឹង​អាច​ជួប​របស់​ប្លែកៗ​ជា​ច្រើន​។ ដូច្នេះ​អ្នក​អាច​ពិនិត្យ​មើល​គន្លឹះ​ខាងក្រោម​ក្នុង​ការ​ថតរូប​ដង​ផ្លូវ​ឲ្យ​បាន​ល្អ​ប្រសើរ​៖
១ ពង្រីក​សម្រាប់​ភាព​លម្អិត​(Zoom In)

ពិនិត្យ​មើល​លើ​របស់​ប្លែកៗ ដែល​អ្នក​អាច​បង្កើត​ការ​ចាប់​អារម្មណ៍​លើ​រូបភាព​ដង​ផ្លូវ ឧទាហរណ៍ តាម​ទីផ្សារ​មាន​បង្ហាញ​នូវ​បន្លែ ផ្លែឈើ ត្រី សាច់ ជាច្រើន​។ អ្នក​អាច​ប្រើ Lens ធម្មតា ឬ Macro lens ក្នុង​ការ​ចាប់​យក​រូបភាព ដោយ​អាច​ប្រើ Aperture f/16។ អ្នក​អាច​ពិនិត្យ​មើល​នូវ​ពណ៌​ភ្លឺៗ និង​របស់​គួរ​ឲ្យ​ចាប់​អារម្មណ៍​ដែល​មិន​មាន​នៅ​ផ្ទះ​អ្នក​។ សំខាន់​មួយ​ទៀត គួរ​សុំ​ការ​អនុញ្ញាត​សិន​។
២ ពិនិត្យ​មើល​ស្រមោល​

នៅ​ពេល​ល្ងាច​ថ្ងៃ​រាប​លិច អ្នក​អាច​ពិនិត្យ​មើល​នូវ​ស្រមោល និង​រូបរាង​គួរ​ឲ្យ​ចាប់​អារម្មណ៍​ក្នុង​ការ​ថតរូប​បាន​។ អ្នក​ត្រូវ​ប្រាកដ​ថា​ប្រភព​ពន្លឺ​មាន​ពី​ក្រោយ Subject ឧទាហរណ៍​ក្នុង​នេះ​អ្នក​ជិះ​កង់ ដែល​ពួកគេ​បង្ហាញ​ជា​ពណ៌​ខ្មៅ​។ អ្នក​គួរ​បិទ Flash និង​ប្រើ Spot metering mode ដើម្បី​ពិនិត្យ​មើល​តំបន់​ភ្លឺ បន្ទាប់​មក​តម្រង់​កាមេរ៉ា​លើ Subject ហើយ​ថត​។
 ៣ ថតរូប​សកម្មភាព​

ក្នុង​ទីក្រុង​មាន​មនុស្ស​ច្រើន មាន​ភាព​មមាញឹក ដែល​ជា​ឱកាស​ល្អ​ក្នុង​ការ​ថតរូប​សកម្មភាព​។ អ្នក​អាច​ថតរូប​អាគារ ចរាចរណ៍ និង​មនុស្ស ដោយ​ប្រើ Lens ធម្មតា ឬ Lens Wide-angle និង​ជ្រើសរើស Shutter speed យឺត​ប្រហែល 1/30។ អ្នក​អាច​ប្រើ Tripod ឬ​ជញ្ជាំង​សម្រាប់​ដាក់​កាមេរ៉ា​លើ​នោះ​។
 ៤ ក្រឡេក​មើល​ធាតុ​ប្លែកៗ​

លើ​ដង​ផ្លូវ​មាន​ធាតុ​ជា​ច្រើន ដូចជា​រថយន្ត ឬ​កង់​ចាស់ៗ ដោយ​អ្នក​អាច​ពិនិត្យ​មើល​រូបរាង និង​ពណ៌​គួរ​ឲ្យ​ចាប់​អារម្មណ៍ ដែល​មាន​ពណ៌​ធាតុ និង​ជញ្ជាំង​ផ្ទុយ​គ្នា​។ អ្នក​គួរ​ប្រើ Lens Wide-angle ជាមួយ​នឹង Depth of field តូច និង​ទៅ​ជិត​នឹង​រថយន្ត​ដើម្បី​បង្កើត​នូវ​ទិដ្ឋភាព​ធំ​នៃ​រថយន្ត​។
៥ ប្រើ​លក្ខណៈ Portraits

មនុស្ស​មាន​លក្ខណៈ​បែប​បទ​គួរ​ឲ្យ​ចាប់​អារម្មណ៍​ជា​ច្រើន​លើ​ដង​ផ្លូវ ដែល​អ្នក​អាច​ថត​បាន ប៉ុន្តែ​គួរ​សុំ​ការ​អនុញ្ញាត​ជា​មុន​។
 ៦ ថត​បរិយាកាស​

អ្នក​អាច​ពិនិត្យ​មើល​លើ​វ៉ូង​មនុស្ស ឬ​ព្រឹត្តិការណ៍​ផ្សេងៗ ដែល​អាច​បង្កើត​ការ​ចាប់​អារម្មណ៍​បាន​។ អ្នក​គួរ​ប្រើ Lens ធម្មតា និង​ទៅ​ជិត​សកម្មភាព​នោះ ប្រសិនបើ​អាច​នៅ​ពី​មុខ​នឹង​វ៉ូង​មនុស្ស ឬ​ព្រឹត្តិការណ៍​កាន់​តែ​ល្អ​។ អ្នក​គួរ​ប្តូរ Mode dial ទៅ TV ឬ S (Shutter Priority) mode ដូច្នេះ​អ្នក​អាច​គ្រប់គ្រង​លើ​ការ​បង្កក​សកម្មភាព​។ អ្នក​គួរ​ប្រើ Shutter speed លឿន​ប្រហែល 1/500th នៃ​មួយ​វិនាទី​។ អ្នក​គួរ​កំណត់ Focus mode ទៅ Continues focusing (AI Servo AF Canon/AF-C Nikon) ដូច្នេះ Lens អាច​រក្សា​ការ Focus នូវ​សកម្មភាព​លើ​ដងផ្លូវ​បាន​។ ម្យ៉ាងទៀត អ្នក​គួរ​ប្រើ​មុំ​ចុះ​ក្រោម​បន្តិច ដែល​អាច​ឲ្យ​អ្នក​សម្ដែង ឬ​តួ​អង្គ​បង្ហាញ​ច្រើន​ក្នុង​ទិដ្ឋភាព​។ - ការ​ណែនាំ​ទូទៅ​ ប្រសិនបើ​អ្នក​ថតរូប​មនុស្ស​អាច​ជ្រើសរើស Lens ធម្មតា និង​ប្រើ​ល្បឿនShutter speed 1/250th នៃ​មួយ​វិនាទី និង Aperture f/8 ពេល​មាន​ពន្លឺ​ថ្ងៃ​។ ប្រសិនបើ​អ្នក​ថតរូប​មាន​សកម្មភាព​លឿន ប្រើ Flash ឬ​បង្កើន Shutter speed ទៅ 1/500 ដល់ 1/1000th នៃ​មួយ​វិនាទី​។ ប្រសិនបើ​អ្នក​ចង់​បង្ហាញ​នូវ​សកម្មភាព អាច​ប្រើ Shutter speed យឺត 1/30th នៃ​មួយ​វិនាទី ដោយ​ប្រើ Shutter priority។ អ្នក​អាច​ប្រើ Telephoto lens សម្រាប់​ថតរូប​មនុស្ស និង Wide-angle lens សម្រាប់​រូប​ទេសភាព​។ Lens ធម្មតា ឬ Wide angle ពង្រីក​បាន​ល្អ​ពេល​អ្នក​ចង់​ផ្ដោត​លើ​វត្ថុ​ផ្សេងៗ​។ Monopod អាច មាន​អត្ថប្រយោជន៍​សម្រាប់​ការ​ថតរូប​សកម្មភាព​៕ ប្រភពពី news sabay កែសម្រួលដោយ សល់ ស៊ីម។